Question 1

ZəngimCELL nədir?

Accepted Answer

ZəngimCELL xidməti sayəsində Sizə zəng edənlər standart və darıxdırıcı çağırış siqnalı əvəzinə sizin seçdiyiniz musiqi parçası və ya səs fraqmentini eşidəcəklər. Xidmət Azercell abunəçiləri üçün nəzərdə tutulub.

Question 2

Xidmətə necə qoşulum?

Accepted Answer

Xidmətə qoşulmaq üçün istənilən ZəngimCELL parçasının kodunu SMS-lə 6900 və ya 6070 qısa nömrəsinə göndərin. Abunəlik müddətində xidmətdən məhdudiyyətsiz istifadə edə, yəni İSTƏDİYİNİZ QƏDƏR ZəngimCELL parçasını yükləyə bilərsiniz. Bundan əlavə, 6900 qısa nömrəsinə zəng etməklə müxtəlif ZəngimCELL parçalarını dinləmək, seçmək və yükləmək mümkündür. 6900-a zəng ödənişlidir (0.06 AZN/dəq).

Question 3

Birdən çox ZəngimCELL parçası yükləsəm, hansı səslənəcək?

Accepted Answer

Nömrənizdə birdən çox aktiv ZəngimCELL parçası olarsa, sonuncu yüklədiyiniz səslənəcək. Əgər yalnız sonuncunun yox, nömrənizdə aktiv olan bütün ZəngimCELL parçalarının səslənməsini istəyirsinizsə, 111 yazıb SMS-lə 6900 və ya 6070 qısa nömrəsinə göndərin. Bu halda həmin parçalar növbəli şəkildə səslənəcəklər. Əgər yuxarıdakı addımın əksini icra etmək istəsəniz (yəni yalnız sonuncu yüklənən ZəngimCELL parçasının səslənməsini istəsəniz), 222 yazıb 6900 və ya 6070 qısa nömrəsinə göndərməlisiniz. Bu sorğudan sonra yüklədiyiniz hər yeni ZəngimCELL parçası ən sonuncu yüklənən hesab olunacaq.

Question 4

Xidmət haqqı nə qədərdir?

Accepted Answer

Xidmət haqqı 1 (bir) gün üçün 0.06 AZN təşkil edir. Xidmət mobil nömrənizin balansında mövcud olan vəsaitə uyğun müddətə təqdim olunur. Xidmətə maksimum 30 günlük (1.80 AZN) abunə olmaq mümkündür. Bu müddət başa çatdıqda abunəlik balansınızdakı vəsaitə uyğun müddətə avtomatik yenilənir. Qeyd: Xidməti ayrıca olaraq cədvəldə göstərilən hər hansı müddətə aktivləşdirmək mümkün deyil. Xidmətin müvafiq müddətlərə aktivləşməsi, xidmətə qoşulma zamanı nömrənizin balansındakı vəsaitə uyğun avtomatik çıxılma ilə baş verir.

Question 5

Balansımda vəsait yoxdursa, xidmətdən istifadə edə bilərəm?

Accepted Answer

Bəli! Mobil nömrənizin balansında yetərli vəsait olmadığı təqdirdə belə xidmətdən istifadə edə bilərsiniz. Bu zaman xidmət Sizə 10 günlük (0,60 AZN) borca təqdim olunacaq. Borc məbləği balansınızdan tam və ya hissə-hissə tutulacaq. 10 gün ərzində borc məbləğini tam çıxmaq mümkün olmadıqda, xidmət avtomatik olaraq ləğv ediləcək. Borc məbləğini tam ödədikdən sonra xidmətdən yenidən istifadə edə biləcəksiniz. Borc məbləğini öyrənmək üçün *185*5#YES yığmaq lazımdır.

Question 6

Xidməti necə dayandırım?

Accepted Answer

ZəngimCELL xidmətinə olan abunəliyi dayandırmaq üçün STOP və ya 000000 (sıfır) yazıb SMS-lə 6900 və ya 6070 qısa nömrəsinə göndərmək lazımdır. Nömrənizdə aktiv olan hər hansı ZəngimCELL parçasını silmək üçün STOP ZəngimCELL kodu (Məsələn: STOP 798654) yazıb 6900 və ya 6070 qısa nömrəsinə göndərməlisiniz.

Question 7

Başqasında eşitdiyim ZəngimCELL-i necə yükləyim?

Accepted Answer

Hər hansı abunəçiyə zəng edərkən eşitdiyiniz ZəngimCELL parçasını yükləmək üçün 2 dəfə * (ulduz) düyməsini basmağınız yetərlidir. Bu zaman həmin ZəngimCELL sizin nömrənizdə də aktivləşəcək.

Question 8

Hədiyyə ZəngimCELL-i necə göndərim?

Accepted Answer

Hər hansı Azercell abunəçisinə ZəngimCELL hədiyyə etmək istəyirsinizsə, 6900 və 6070 nömrəsinə bu formatda sorğu göndərməlisiniz: H “ZəngimCELL kodu” “həmin abonentin nömrəsi” (Məsələn: H 798654 0501234567). Hədiyyə göndərdiyiniz abunəçi hədiyyənizi qəbul etmək üçün beli “ZəngimCELL kodu” (Məsələn: beli 798654) və ya imtina etmək üçün xeyr “ZəngimCELL kodu” (Məsələn: xeyr 798654) yazıb SMS-lə 6070 nömrəsinə göndərməlidir. Hədiyyə ZəngimCELL-ə görə xidmət haqqı sizin (yəni hədiyyə göndərənin) balansınızdan tutulacaq. Abunəliyin yenilənməsi zamanı isə xidmət haqqı hədiyyə göndərdiyiniz (yəni hədiyyəni qəbul edənin) balansından çıxılacaq. Qeyd: ZəngimCELL xidmətinə görə sizin (hədiyyə göndərənin) və ya hədiyyə göndərdiyiniz abunəçinin ödənilməmiş borcu varsa və xidmətin borca təqdim olunduğu müddət (10 gün) başa çatıbsa, hədiyyəni göndərmək mümkün olmayacaq.

ZəngimCELL üzrə tez-tez verilən suallar